إضراب طوعي إلزامي

2011/12/19 عند 11:39 ص · مصنف تحت Sorry .. جداً سوري, سوري عن جديد and tagged: مسيرة, إلزامي, إضراب, حرية, سورية, طوعي

رح تفهم بالصرماية

واللللللللللله العظيم فهمان عليك .. وكتير محترمك لأنك عندك موقف .. وصاحب إرادة

أضرب يا أخي .. والله لو فيني كنت بأضرب معك .. بس حقك الطبيعي .. أضرب وطالب وندد وشجوب واعتصم وتظاهر .. كلو هاد حقك .. بس حقك هاد بيصير نص فرنك مصدي لما تكون بدك تأضرب واللي ما بأضرب معك بدك تروح تأضربو بقوة الإقناع

طيب يا أخي الله يتحنن .. أنت معك تطعمي ولادك وعيلتك ضمن فترة هالإضراب .. وأذا مانك قادر بتكون أنت كـ “رب” أسرة مسؤول عن اللي عم ينقص عن عيلتك .. وما حدا أله الحق يقلك ليش هيك عم تعمل .. مو لشي بس لأنك مآمن بقضيتك .. وواثق بموقفك .. بس تعا ترجملي ليش لما حدا من هالمواطنين يروح يدو يفتح محلو ليسترزق .. بتروح – أنت أو غيرك يعني مو انت شخصياً المقصود – بتأضربوه بالصرماية وبتشرحلو بكل وعي وثقافة ولطف أنو ازا ما أضرب رح تتطبش واجهتو هوي ومحلو بالصدفة .. قضاء وقدر يعني .. يعني بس لوضح أنا ما عم اتهم حدا .. بس هاد اللي شفناه .. أنو طيب خرج تعطيه حق الطبخة تبع اليوم؟ .. يعني معلومك نحنا شعب ماشي حسب المثل القائل “أصرف ما في الجيب يأتيك ما في الغيب” وما بنآمن ولا بشكل بمقولة “خبي قرشك الأبيض ليومك الأسود” هي ازا ضل في قرش أبيض .. أما بالنسبة للأيام السود .. يعني الله يزيد ويبارك .. فما ناقص هالشعب المعتر يوم أسود جديد .. ما هوي من غير شي نص مأضرب .. أي أتخن محل ما عم يفتح نص دوام .. يعني بس حابب شي حدا يقنعني بأسلوب بشري .. مو لشي .. بس احتمال أضرب أنا كمان يا أخي ازا اقنعتني .. يعني الواحد ما سدق خلصنا من أيام المسيرات الطوعية الإلزامية اللي كان استاذ العسكرية يعمللنا تفقد قبل ما نطلع من المدرسة وبس نوصل على ساحة التجمع وبس نرجع عالمدرسة واللي غايب أو فركها يا ويلو ويا سواد ليلو.. يعني شو فرقت .. سوري منكم على هالتعبير .. بس للضرورة الشعرية .. غير خرا بس نفس الطعمة .. يعني ويلك من الفصل من المدرسة .. وويلك من المسيرة بهالزنطاري .. حبّك حبّك ما حبّك أي بحبّلك

وكما قال الشاعر الكبير أبو شملة .. كيفك فيّا؟

وعلى أمل

تعليقات